“Оливер Твист” во Театар за деца и младинци

 

Претставата ќе се одржи на 24.10.2015, во 19:00 часот, а е работена според истоимениот роман на Чарлс Дикенс, кој е лектира во основното образование. Извонредната драматизација на добро познатата приказна, овојпат во стихови од страна на режисерот Срѓан Јаникијевиќ, им нуди на децата една сосема несекојдневна, нетипична и досега невидена детска претстава на нашата сцена. Жанрот на претставата е оперета.

  • Режија:
    Срѓан Јаникијевиќ
  • Автор:
    Чарлс Дикенс
  • Драматизација:
    Срѓан Јаникијевиќ
  • Сценографија:
    Кирил Василев
  • Костимографија:
    Кирил Василев
  • Музика:
    Игор Василев
  • Корепетитор:
    Надежда Рубен
  • Играат:
    Бојан Кирковски
    Владимир Лазовски
    Драган Довлев
    Наташа Петровиќ
    Мартин Јорданоски
    Мики Анчевски
    Изабела Новотни
    Симона Спировска
    Ненад Митевски
  • Година:
    2013
  • Времетраење:
    65 минути

Детето Оливер, филигрански одиграно од големата актерска надеж на овој театар Бојан Кирковски, е жртва на застарените општествени норми, според кои дете што е зачнато и родено вон брак е срам за целата фамилија. Заради непопустливоста на неговиот дедо по мајка, Оливер Твист израснува во сиропиталиште. Продаден да чиракува кај гробар побегнува во Лондон. Авантурите во Лондон што го носат на трагата на неговите дедо и полубрат, се проткаени со пеење и свирење во живо. Живото пеење и актерското следење на приказната доминираат за време на целата претстава. Оливер Твист е една од најбараните и најпосетуваните претстави кај децата над 8-годишна возраст.

Share Button

Напишете коментар

Вашата адреса за е-пошта нема да биде објавена.

This site uses Akismet to reduce spam. Learn how your comment data is processed.