Филип Димкоски на Меѓународен поетски фестивал во Бугарија

Младиот поет Филип Димкоски, настапи  на деветтото издание на Меѓународниот поетски фестивал „Белоцветните вишни“ во градот Казанлак во Бугарија.

Од вкупно 230 автори од Бугарија, Македонија, Романија, Србија, Холандија, Украина  и други земји кои испратиле песни на фестивалот, избрани се педесет најдобри песни, дел од нив се наградени, а сите педесет  меѓу кои и песната „Душа розова“ од Димкоски, препеани на бугарски јазик се застапени во меѓународниот поетски зборник.

Жири комисијата ја сочинуваа Палмира Никленова и Атанас Јанев под претседателство на Димитар Христов од Сојузот на писатели на Бугарија.

Уметничката интерпретација на Димкоски не ја остави рамнодушна многубројната публика сочинета од поетеси и поети од повеќе места, љубители на поезијата, како и градоначалничката на градот Казанлак. Беше награден со силен аплауз, а потоа следеа честитања со ракувања од многу присутни во салата.

„Покрај што е престижен и е вистински мегдан за докажување во мајсторството на стихот, ритамот и римата, ме привлече  и целта-преку поезија да се слави природата, а тоа всушност е мојата определба во она што го пишувам“-рече Филип Димкоски кој изрази посебна благодарност до организаторот, писателот Димитар Никленов.

Од Македонија, добитник на диплома за учество е и младата поетеса Рената Пенчова од Штип.

Инаку ова, е петто меѓународно признание за Филип Димкоски, по наградата Млада струга на  Струшките вечери на поезијата, наградите од меѓународните фестивали „Јанош Сивери“ и „Станислав Препрек“ од Нови Сад, Србија и наградата за најталентиран млад учесник на Мелничките вечери на поезијата во Мелник, Бугарија. Од меѓународнот претставување ќе го спомнеме и учеството на престижната манифестација „Сараевска зима“ во БиХ, каде Димкоски имаше едночасовен поетско-музички перформанс.

Share Button
dare

dare

Уредник на муабет.мк

Напишете коментар

Вашата адреса за е-пошта нема да биде објавена.

This site uses Akismet to reduce spam. Learn how your comment data is processed.