Сржта на светските трендови и уникатните дизајни на Саемот на МЕБЕЛ 2017

43-от Меѓународен саем на мебел, опрема за домаќинства и јавни објекти, репроматеријали и машини за индустријата на мебел – МЕБЕЛ 2017 беше отворен
на 21-ви и ќе трае до 26-тимарт.

Две години по ред овој саем го руши рекордот со 11-те хали кои ги користат над 400 домашни и странски изложувачи. Покрај Македонија учесници има и од Босна и Херцеговина, Грција, Италија, Словенија, Србија и Хрватска.

[su_custom_gallery source=”media: 11589″ limit=”1″ link=”lightbox” width=”710″ height=”420″ title=”never”][/su_custom_gallery]

Секоја година над 50.000 посетители ги следат уникатните модни дизајни кои се нудат на МЕБЕЛ. Овој Саем полека се надминува себеси со креативноста, можностите и оригиналноста на модерните кујни и елегантни бањи, осветлување, подови и ѕидни декорации, материјали за тапацирање, канцелариски мебел, мебел за јавни објекти, како и најновите технички и технолошки достигнувања на репроматеријали, машини и опрема за обработка на дрво. За време на МЕБЕЛ 2017 учество ќе земат и повеќе банки и осигурителни компании кои на посетителите ќе им ги понудат поволностите за кредитирање и осигурување на своите домови. Воедно, и самите изложувачи имаат свои изненадувања и попусти за посетителите во склоп на своите понуди.

[su_custom_gallery source=”media: 11590″ limit=”1″ link=”lightbox” width=”710″ height=”420″ title=”never”][/su_custom_gallery]

Оваа година во состав на Саемот за мебел ќе учествуваат и УРБАНОЛД кои повеќе години редизајнираат и обновуваат стари парчиња на мебел. Преку нивната понуда посетителите ќе можат да ги разгледаат подобностите и можностите за нов живот на мебелот кој го имаат со години и кој е богат со чувства и моменти од минатото.

[su_custom_gallery source=”media: 11591″ limit=”1″ link=”lightbox” width=”710″ height=”420″ title=”never”][/su_custom_gallery]

Со #МоетоОмиленоПарчеМебел на овогодинешниот Саем на мебел на сите посетители им се овозможува интересен шопинг предизвик. За да учествуваат во истиот ќе мора да го посетат Саемот, да направат фотографија од нивното омилено парче мебел и истото да го објават на нивниот Фејсбук профил како јавен пост, со хаштагот #МоетоОмиленоПарчеМебел. Откако, ќе го направат тоа, фотографиите со најмногу лајкови ќе бидат наградени со вредносни ваучери од 300, 500 и 700 евра.

[su_custom_gallery source=”media: 11592″ limit=”1″ link=”lightbox” width=”710″ height=”420″ title=”never”][/su_custom_gallery]

Доделувањето на ваучерите за овој предизвик е на 26.03.2017 во 16.00 часот.

Во склоп на МЕБЕЛ 2017, традиционално ќе се организира стручно оценување на пријавени експонати и ќе бидат доделени признанија на најдобрите учесници на саемот, во две категории: производители и трговци. Стручната комисија е составена од претставници од Архитектонски факултет, Факултетот за дизајн и технологија на мебел, Асоцијација на архитекти, Кластерот на дрвна индустрија и од Министерство за економија на Македонија.

Овие признанија ќе бидат доделени на 23.03.2017 година, во 20.00 часот во Управната зграда на саемот.

43-от Меѓународен саем за мебел 2017 ќе трае до 26.03.2017 година.

Саемот ќе биде отворен од 10.00 до 20.00 часот, цената на влезницата е 100 денари, а за групни посети и студенти 50 денари.

Share Button
dare

dare

Уредник на муабет.мк

Напишете коментар

Вашата адреса за е-пошта нема да биде објавена.

This site uses Akismet to reduce spam. Learn how your comment data is processed.