Врв 7/12: Лиска (1.908 мнв), Илинска Планина

Седмиот врв во годинашниот предизвик “12 Врвови”е врвот ЛИСКА висок 1.908 мнв, кој се наоѓа на Илинска Планина дел од масивот Бигла.

Лиска е највисокиот планински врв на Илинска Планина во западниот дел на Македонија. Од врвот се пружа глетка на цела Западна Македонија, односно двете најголеми македонски природни езера Охридско на југозапад, Преспанско на југ, врвот Пелистер на југоисток, целата област Железник (Демир Хисар) на исток, градот Кичево на север, планините Бистра Стогово, Крчин, Дешат и Кораб на северозапад и целата област и котлина Дебарца со планините Караорман и Јабланица на запад. За името на врвот Лиска на билото на Илинска Планина, македонскиот револуционер Ѓорче Петров во својата книга Материјали по изучувањето на Македонија запишал дека Лиска – билото на планината од Беличката Планина на исток е наречено така поради тоа што по него има многу лиска (лискун), т.е. камен шкрилец – плоченец. Ова се потврдува и од кажувањата на мештаните на селото Големо Илино чии покриви на куќите се покриени со плочи од лискун ископан и ваден од карпите на врвот Лиска.

почетна точка : с. Големо Илино (опш. Демир Хисар) 980 мнв
крајна точка: манастир с. Прострање (опш. Кичево) 995 мнв
должина: 20 километри
совладување на вкупна висинска разлика: 950 метри
времетраење: 8 часа
тежина на турата: средно-тешка

Организираниот превоз од Скопје ќе чини 600 денари (100 денари за предизвикот) и тргнува од паркингот пред Пошта 2 (железничка) во 05:30 часот. Учесниците кои доаѓаат со сопствен превоз треба да уплатат 100 денари учество за предизвикот кои одат за сета организација (трошоци за маркирање-пат,боја, печатење маици, промотивни материјали, значки, признаници).

Групата тргнува од село Големо Илино во Железник (опш. Демир Хисар) ги посетува манастирот Св. Илија (поспремната група може да скрати со пресекување низ шумата) и по сртот се искачува на врвот Лиска, на слегување минува крај пропаста Мечкина Дупка и завршува во село Прострање (Кичевско) каде има и продавница.

Се молат сите на кои ова ќе им биде 3 искачен врв (исполнет 1/4 од предизвикот) да се пријават во порака на настанот или Планинарско Друштво Трансверзалец, за на самиот врв да добијат маица со логото на „12 врвови“.

Напомена: Сите учесници треба да располагаат со соодветна психофизичка подготвеност. Исхраната е од ранец, вода најмалку 1.5л. и планинарска опрема согласно временските прилики и најавена временска прогноза. Секој учествува на сопствена одговорност

Заинтересираните поединци, групи, здруженија и планинарски друштва кои сакаат да бидат дел од организираниот настан задолжително треба да го пријават учеството кај организаторот и да ја уплатат назначената котизација.

Пријавување до 31.03.2017:
Зоран Костадинов – 070 641 998
Карти може да набавите во Просториите на Планинарско Друштво Трансверзалец (СПУКМ кај студентски дом „Кузман“) на состаноците секој четврток од 20:30 до 21:30 или секој ден од 10 до 21 часот во продавницата пред студенсткиот дом Кузман Јосифовски Питу.

Share Button
dare

dare

Уредник на муабет.мк

Напишете коментар

Вашата адреса за е-пошта нема да биде објавена.

This site uses Akismet to reduce spam. Learn how your comment data is processed.